Wednesday 17 July 2013

Hotkhiatna (Salvation) Tawh Kisai Doctrine Pawlkhat

       Hotkhiatna tawh kisai dotna le dawnna

  1. Thuciamna ih cih in bang hiam? Mi mal nih bek ahi a, nih sang a tamzaw a hi zongin lang nih kikal ah kilem nading a kibawl thu pen thuciamna kici hi (1 Samuel 18:3; Matt 26:14-15; Piancilna 9:9-15). [Ih theih ding] - Pasian in eite tawh kilemkik nadinga a bawl thuciamna pen ama’ ong hehpihna thu bek tawh a bawl hi a, eite’ lam pan ong kalh bangmah om lo a, eite in zong Pasian tawh ih kilem kik theih nadingin Pasian tungah kalh theih ding khat zong ih nei kei hi.

 2. Hehpihna tawh kisai thuciamna pen bang ahi hiam? A telsa mite a mawhna uh pan tatkhiat ding Pasian thuciamna pen hehpihna kici hi (Piancialna 17:1-8; Romans 11:27; Hebrews 10:16-17; 13:20-21; Jeremiah 31:31-34; Ezekiel 36:25-27).

3. Pasian in koi bangdan in hong honkhia ahi hiam? Pa, Ta, Kha thum hihna tawh kidim Pasian khat sung pan Tapa Pasian hihna kongvang pan tangmi dingin Topa Jesuh Khrih mihing bangin ahong pianna lampi tawnin ih mawhna pan in hong tankhia hi (Matthew 1: 21; 1 Tim 1:15; Heb 2:14-15).

4. Jesuh mihing in ahong pian ciangin mawhna a bawl kha ngei hiam? Bawl kha ngei lo hi; amah in Pasian’ thukham paubanna om het lo-in zui zo hi (Heb 4:15; 1 Peter 2:22; 1 John 3:5).

 5. Banghang in Jesuh si ahi hiam? Jesuh Singlamteh tungah si hi. Banghang hiam cih leh Pasian’ daan ahi eite mawhna thamanh sihna hong puak sak ding le eite mun ah eite’ tang ding a genbang lo Pasian tuno Jesuh Khrih bek ih kisapna hangin Jesuh tektek ahong sih kul ahi hi ( Romans 5:8-9; 2 Cor 5:19-21; Galatians 3:13; 1 Peter 3:18).

 6. Diktanna ih cih bang ahi hiam? Diktanna ih cih in mawhnei eite mawhna a nei lo banga Pasian’ ong piak dikna hi (Zechariah 3:1-5; Romans 3:24-26; 4:5; 8:33-34).

7. Tua dikna koi bangin eite tungah hong kibawl hiam? Ih mawhnate ong puak khiat sak Khrih thu upna le muanna bek tawh tua dikna eite’ tungah hong kibawl hi (Sawltak 16:30-31; Galatians 2:16; Romans 4:23-25; 10:10). Diktang mi suahna pen upna bek tawh hi. Tatkhiatna (Justification) pen upna bek tawh hi a, ahi zongin gupkhiatna (sanctification) pen gamtatna tawh ahi hi. Gamtatna tawh tatkhiatna kingah lo a, tatkhiatna hanga diktang mi suahna tawh gamtatna kinei hi. Tua gamtatna (Santification) hun sungah a om lai thu-ummite pen kicingsiang nai lo hi. Ih pianthak ma in ih mawhna in hong that that a, ih pianthak khit ciangh ih mawhna thah a kipan pan ih hi hi. Kuamah in hih leitung ah genbang lo sianthona ngah zo ngei lo dinga, ahi zongin gupkhiatna hun sungah a om tatsa midik thu-umte in genbang lo sianthona a delhdelh uh ahi hi. No one can attain a perfect life here one earth. But genuine believers are pursuing perfection. Tatkhiatna upna tawh a ngahsa mite bek gupkhiatna (sanctification) ahi gamtatna hun sungah om uh hi. Gupkhiatna pen tatkhiatna ii gah hi a, tatkhiatna om lo-in gupkhiatna piang thei lo hi. Tua tatkhiatna thu kihel lo gupkhiatna thu in a si ahi hi.

 8. Gupkhiatna (sanctification) ih cih bang hiam? A tatsa mawhneite Pasian in a lungsim uh le a gamtat uh a hoih theih nadingin a Kha Siangtho tawh a zuun hun sung pen gupkhiatna (sanctification) hun kici hi. Tua gupkhiatna (sanctification) hun pen tatkhiatna hanga upna tawh ih ngah a kul dikna ih masak loh-in kipan thei lo hi. Kamdang khat in gen lehang Justification pen diktansakna hi a, Sanctification pen sianthosakna ahi hi (Eph 4:24; Titus 2:14; 2 Cor 7:1).

 9. Gupkhiatna (sanctification) ih cih hun sungah a om lai tatsa midikte in a sih ma in a genbang lo sianthona a luah zo ding uh hiam? Luah zo lo ding uh hi; Ei thu-um Christian te nangawn in hih leitung nuntakna hun sungah a genbang lo nuntak sianthona tawh kuamah in hankuang ih zuan kei ding uh hi (1 John 1:8;10; Philippians 3:12).

10. Diktansakna le sianthona ih cih tua tatkhiatna le gupkhiatna tegel koi bangin kizom hiam? A nih in Khrih tawh kipawlna panin hong piangkhawm Pasian’ tatkhiat nasep (Redemptive work) ahi hi (Ephesians 2:10; 2 Corinthians 5:21; 1 Peter 2: 24-25).

 11. Ta cihna za (adoption) bang ahi hiam? A kisik mawhnei mite ama innkuanpih mi dingin Pasian in ciahpih in a it mahmah a tate bangin ngaihsutna ahi hi (John 1: 12; Ephesians 1: 5; Galatians 4:5-7; 1 John 3: 1-2).

 12. Pasian ta na hihna koi bangin kithei thei ding na hi hiam? Kha Siangtho in na lungsim tawng ah upna khaici khat ong nei thei sak dinga, Pasian ong piak thukhamte le na thu-uppih mite it theihna khaici na neihna thute in zong Pasian ta na hihzia khat ong kician sak ding hi (Romans 8:16; 1 John 2:3; 3:14).

 13. Kuate adingin Khrih in mawhlawhpuak ding thukim-in mawhna daan thuak ahi hiam? Pa Pasian in a piakkhitsa mite ading in Khrih in thumanna tawh thuak lawh hi (Matt 1:21; John 10:11,15-16,27-29; 17:9; Eph. 5:25).

 14. Kuate kihonkhia ding ahi hiam? Mi mawh ahi lam kitel phet in Pa Pasian’ tungah kisikna tawh Khrih a um mite bek in hotkhiatna ngah ding uh hi (Sawltak 2:37-38; 16:30-31;20:21; John3:16).

15. Kisikna ih cih in bang hiam? Mawh thu ah lungnop lohna hanga mawhna mudah in nialna hi. Banghang hiam cih leh mawh lian mawh neu in Pasian heh sak hi (Luke 19:8-10; 1 Thessalonians 1:9-10; Isaiah 55:6-7).

 16. Khrih sungah upna nei ding, um ding cih thu bang ahi hiam? Tatkhiatna ih ngah nadingin Khrih bek muang cinten cihna hi (John 14:6; 20:31; Sawltak 4:12; 1 John 5:11-12).

 17. Nang le nang neih vangliatna tawh kisikin Khrih na um thei ding hiam? Um thei lo ding hing; Pasian Kha Siangtho lo tawh gup ngah lawh nading na hoih bangmah ka sem thei kei hi. Kei le kei nangawn tu dong ciang kisikin Khrih a um thei nai lo ka hi hi. Tu in ka up khit theihna pen Pasian Kha Siangtho’ ong huhna hang ahi hi (Ephe. 2:1,4-5; 1 Cor. 2:13-14; 12:3; Romans 5:5).

 18. Koi bang daanin Kha Siangtho ngah thei ding na hi hiam? Pasian in tua Kha Siangtho ih ngah theih nadingin ih nget kul sak hi ci-in Lai Siangtho sungah ong hilh hi (Luke 11:9-13; John 7:37-39).

 19. Pasian mite Khrih ong paikik ma-in koibang daanin kihonkhia hiam? Tanpa Khrih ong paikik ding a upna uh tawh ngakin a kigupkhiat laitak uh ahi hi (John 8:56; Gal. 3:8-9; Heb. 11:13; Job. 19:25-26).

 20. Koi bang daanin a upna uh lakkhia hiam? Pasian biakna tau mai le a nisim nuntakna uah kipumpiak lungsim kha le thahatna khempeuh tawh a kilui nuntakna ah a upna uh lakkhia hi (Heb. 9:19-23; 10:1; Piancialna 22:8).

 21. Hih Christian kipumpiakna in bang lim pua hiam? Khrih, Pasian’ tuno, mawhneite’ tang dinga mawhnei lopa’ sihna lim pua ding hi (John 1:29; 1 Cor. 5:7; 1 Peter 1:18-20; Mangmuhna 13:8).

 22. Khrih in a mite adingin bang nasep sem ahi hiam? Khrih in a mite adingin Kamsang nasep, Siampi nasep le Kumpi nasep sem hi (Heb 1:1-3; Sawltak 3:20-23; Heb 5:5-6; 4:14; Mangmuhna 5:5; 17:14).

 23. Khrih ih Kamsang pa ih cih koi bang hiam? Khrih ih kamsang pipa in Pasian’ deih tawp thu khempeuh a kicing peen in ong hilh thei peen pa hi (Thu hilhkikna 18:15;18; John 1:18; 4:25; 14:23-24).

 24. Banghang in Khrih sese bek na Kamsang pipa dingin na kisap hong kul sese hiam? Banghang hiam cih leh kei mawhnei nu mawhnei pa pen thu awlmawh lo pa ka hih ban ah Khrih Jesuh bek in Pa Pasian’ pianzia a kicingin thei hi (Matt 11: 27; John 6:67-69; 17:25-26).

 25. Khrih ih Siampipa ih cih koi bang hiam? Khrih ih Siampipa in Pasian’ kiangah ih mawhnate khempeuh ciat tang dingin ong si a, eite’ adingin Pasian mai ah thu ong ngetsak tawntung ahi manin Khrih in ih Siampipa ahi hi (1 Tim 2:5-6; Heb 4:14-16; 7:24-25).

 26. Banghang in Khrih ih Siampi dingin kisam se ding ih hiam? Ih kisam mah kei ding maw! Banghang hiam cih leh nang le kei mawhna ah ih paubang khin zo hi. Apaubangte in ong thum sak ding siampi ong siansuah ding siampi kisam hi (Romans 3: 19-23; James 2: 10; 1 John 1:8-9).

27. Khrih ih Kumpipa ih cih koibang daan hiam? Ih Kumpipa in eite ong ukin, ahong dal ahong kem ahi hi (Matt. 28:18-20; Ephesians 1:19-23; Colossians 1:18; Late 23:4; Isaiah 33:22). Jesuh pen tanpa bek, honpa bek, gumpa bekin sang loin ih nuntakna ong ukpa ahi dingin zong ih san kul hi. Tanpa le Topa ding ahi hi.

28. Banghang in nang le kei in Khrih ih Kumpi dingin kisam ih hi hiam? Banghang hiam cih leh nang le kei pen zawngkhal in beidongte ih hi hi (John 15:5; Phil.4: 13; 2Tim 4:18; 1 Cor. 1:26-31).

Evan. Suang Dal

Sunday 23 June 2013

Tulaai Leitung Thuthang Tuamtuam Updates June 23, 2013

Tulaai Leitung thuthang tuamtuam updates June 23, 2013

Zomi tawh kisai thuthang

• Ongtungding July 4-7 sung Zomi te teenna khuapi khat ahi Tulsa Khuapi USA ah ZIUSA te vaaihawmsiamnatawh Tedim laai vuibawl in Zolaai kum 100 cinna khawmpi nasiatak kibawlding a Thugenpi ding in Australia gama teng Dr Dong No kisam hi.

• Zomi te teenna khuapikhat mah ahi Chicago khuapi ah USA a om khangno te khalam ah nuntaaknathak neihtheihnading in CZCC te thusiamnatawh July 5-8 Khalam khawmpi nasiatak kibawlding a Speaker ding in Kawlgam pan Evan Langh Do Khup June 26 ni Chicago khuapi ongtungding hi.

• Kawlgam pualam a om Zomi te neihsa sahang kamsung atunding aphallo WZC leh gamtuamtuam a minam it khangnote vaaihawmsiamnatawh ongtungding June 30 niciang in Guullu tawhding deihlohna lungphona gamtuamtuam ah nasiatak in kineiding hi.

• Zomi gaaltaai te Chin Virus nuai ah akivukcip laaitak in Malaysia ZAM te vaaihawmsiamna tawh Malaysia UNHCR pan Zomi cih iminmaantawh sapna 2006 pan kingahkhinta a , Thailand ZAT te vaaihawmsiamnatawh 2013 pan iminmaan Zomi tawh Thailand UNHCR pan kingahkhinzo ta hi.

Kawlgamtawh kisai thuthang

• Kawlgam Shan state saklam, Maiso Township sung aom SSPP/SSA te I phualpi khat Kawlgaaalkaapte in avui atangtawh sim in ong awn un ci in 6/23/13 ni in thupia uh a SSPP/SSA ten ngahveih ci uh ahihman in langnih keeksa in omlinlianta uhhi.

• Kawlgamsung 1948-1962 Ni Win in kawlgam ukna alaakdong Prime Minister aseem asikhinsa U Nuh kum 106 cinna phawkna Yangon khuapi ah nasiatak in 6/23/13 ni I kibawl ahi.

• Rakhaing minam te party ahi RNDP,ALD leh Sittwe khua nu khuapa te maailam ah Rakhaing minambup khawmpi bawldingvaai kikupkhopna 6/23/13 ni in neikhawm uhhi.

Leitung gamtuamtuam tawh kisai thuthang

• Thailand gam Mahachai khua a om tuipi sungpiang vanzuakna company nasem kawlgammi 20,000 vaal in kawlgammi 100 vaal nasep akitawpsakna hang in lungkimlo in lungphona 6/23/13 ni in nei uhhi.

• USA gamte I thusim apholaakkhia Edward Snowden USA gamte in matding in thu akhen ban ah abukna Hongkong kumpitekiang ah matding USA in angetphet in Hongkongpan Venezuela gam ah huhna ngeending in leengkhia a 6/23/13 ni in Russia gam Moscow tungta a tuapan Cuba tu in Venezuela gam paisuakding hi.

• Indonesia gam lohalna hang in meikhu Malaysia gam ah zong kizel a kum 15 sung ah meikhu akhauhpeen dong tung ahihman in 6/23/13 ni in Johor sung Township nih ah mipi kidawmding in kumpite in thupiata uhhi.

• USA gam I state Secretary John Kerry akhatveina India gam hawhding in 6/23/13 ni in India gam tungta hi. John Kerry nithumsung taamding a India tawh gamnih sumzuak zumleina lam leh zinsuk zintohna vaai kikumkhawmding uhhi.

• India gam tuicintung nasia seemseem in misi kimuhbehbeh a 6/23/13 ni in misi kimu 1,000 tungta hi. Munkhatkhat te ah gaalkaapte in khaukhung in micimawh te hongkhia uh a , munkhatkhat te ah siding mu gige kihonkhiatheilo in sisuak uh ahihman in mulkimhuai mahmah hi.

• Pakistan gam saklam ah 6/23/13 ni in Hotel khat migilo te in thautawh buluh in phialkaap uh a Ukraine mi 6 leh Chinese 3 si hi ci in thuneite in genkhia uhhi. Zomi te biak Inn itungkimhiam ow

 ZOMITV.COM
 na hawh hamtang ve

Zom toto ni ee
Laaimal kikhialkha aomkhaak aleh ngaihdambawm ah maw
Zomipau

Hetchai, Hetchai, Adam sak thei Zolia Nu

Itleh Ngaih belteng,
Ongtung ding June 29,2013 ni teh anih vei na Youth Reunion & Free Concert ki bawlkik ding ahih manin nangleh na innkuanpih te nong kihelham tang na dingun ongsam ung.
 
Hih na mek in la , Video na et khit teh Banghang Lovesong ki sa a,bang ngimna hiam cih ihtheih nading in Live TV acih na ah, nahawh to in.Ahunhun in News acih na mun ah ongki update toto ding hi.

Zomi & Malaysia

 * Zomi National sungah agamtang Makaite leh Kipawlnate pen thupi thei mahmah hi. Ahizongin, Zomi khempeuh ahuamzo dingin itna, veina nanei taktak uhiam?

 

* Ei' Angsung, Ei' Pawlsung, Ei' Party sungbek huam Zomi kipawlnate  ong kigensiat leh khasia kei un. Banghang hiam cihleh, Angsung nasem Zomi minpua nahihi.

 

* Zomi adingin Veina taktak naneih leh, Membership cihpeuh tawh kigamtanglo ding hi.

 

* Itna takpi leh Zomite hehpihna leh Veina takpi naneih leh thuakzawhna leh mawh maisakna naneizo ding hi.

 

* Zomi minpua a, Zomi khat nang' pawlpi, nang' party ah member lullo khat nangtawh kisai khalo dana nagel leh thulang gel kici ahih manin, nang' nasep pen Minam ading hilo a, nang pawlsung adingbek ahih manin, Zomi khempeuh huamzolo hi.

 

Note: Malaysia gamsungah Zomi (Kamphen kullo) te' haksatna vaipua dingleh panpih dingin, Zomi Emergency Team kipankhia-a, Kamphen kullo Zokampau khempeuh ading ahihi. Membership Card/Fund kibawllo a, Minam adingin Siangtho nasepna ahihi.

 

Zomi hi-ing, akicingam Mi khat adingin, Sumpiak kullo in, haksatna kiko thei hi. ZET pen ZOMI khempeuh tawh kisai thu ahih manin, Anuai-a bangin nong contact dinguh kong zasak hi.

 

Zomi Emergency Team ( ZET )

Hotline: 011-1573-1275

NA THA ANEEM LEH THA NEEMTE HA’N THAWN IN

NA THA ANEEM LEH THA NEEMTE HA’N THAWN IN
                     Lawm aw hih thu lu na muh ciang lamdang nasa phial hia? I tha neem laitak tha neem mite bangcih han thawn thei peuh mah ding cih na ngaihsun maw,? hi mah hi, hi ci ngaihsut le-cin ahi thei lo ding tawh ki bangmah hi, lung ngai khawm ni maw.
Hih leitung i nuntakna ah, khat vei leh nuamna, khat vei leh dahna, khat vei leh tha neem zawngkhalna, khat vei leh tha hat a gualzawhna tuak khak loh a pha mawh leh a ki tuak lo thei lo, tuakkhak loh apel mawh thu hi a, a diakdiak in ei Pasian thu um zo vontawi ten hih bang dinmun i tuah hun ciang bangcih tha la thei ding i hiam cih leh, a masa in nang leh nang na lungsim khensat na leh na ki zawh na lo tawh, hih leitung ah hong heh neem zo ding leh na tha hat theih nading om lo hi. Tua ba’n ah Pasian tungah tha la ning,na cih leh zong nang lungsim ki zawh na leh na khensatna, a om kei leh hi thei lo hi. Bang hang hiam cih leh Pasian in tha hong dim zo in teh, ong tha hatsak zo in teh, Pasian kiang bek ah lungnopna kim om hi ci a, na lungsim khensatna, nang up nang muanna kisam hi.
Lawm aw na nuntakna sungah tha neem na khat peuh na tuah hun laitak in, na gei a om, na nai a om tha neem mi khat peuhpeuh han thawn ding hi teh. Paul in bang bang na gen hiam cih leh ka tha neem laitak in, a tha hat ka hi zaw a, ka tha hat na suang lo-in, ka tha neem ka suang zaw hi ci hi. Tua ahih man in na tha neem laitak in na tha neem na suang ding cin a, lawm aw kei zong maw hi bang,hi bang na tuak kha ngei in maw! hih bang da’n i tuah ciang ki tha neemsak ding hi lo a, tha i lak ding hi zaw hi ci-in hoihtak tha pia in, va heh neem le cin, a mah bek in a tha neem na pan, tha hatna ngah lo ding a, nang heh nepna teng mah in nang zong na tha neem na pan tha hat gualzawhna ngah ding hi teh. Na ki sin dih ve! Ka lawmpa ken han thotna piapia ing a, kei tha neem den ding maw cih na nalungsim ah hong ki lo ding a, na nih un na tha neem na uh pan tha hat in gualzawhna mu ding hi uh teh. NA THA A NEEM LEH THA NEEM MITE HAN THAWN IN. A men.

 T-Mungpi

Zoheisa te Holimna: Zogam Nickel Manphatna

1999-2000 pawlin Zoheisa Unit te Lailam Veng, Lamka ah ka ki busak lai un "Zogam in Independence ngah leng ei leh ei in iding zo takpi ding hiam" cih bang kana kikup uhciang hih Zogam Gulu Nickel i manphatna zong kana kikum kha zel uhi. Kawl Kumpi Record le I mipil Pu Vumson, Pu Ngawcinpau etc. te ciaptehna te khawng kana kaikhawm kawikawi uha kei mahmah in calculator mek ziahziahin kana muhkhiatuh hih anuaia bang ahihi. “Gullu Nickel Deposit pen Kawl Kumpi’n Khenpi-6 (Ore Body-6) pha in, tai 10 val bang sau hi cin na ciamteh hi. Tuasung panin Khenpi-4na ah Ore Reserves 30 million tons, Khenpi-6 na ah 80 million tons om a, nickel content 1.21 to 1.5 % om hi. Tua pen Nickel lian bek hi in a omkhoppih Iron (Siik)-3.7 %, Copper (Kyini)- 29.99 ppm, Aluminum-0.16 %, Manganese, Chromite etc. te zong kimu khawm hi. A Khenpi dang (1, 2, 3, 5)te pen survey a bawllai, a etcian laitak, lai ding hi. Tua Gullu Nickel ton 110 million pen pan nickel siang (pure nickel) atawm pen 1.5 million ton bang om ding, tulaitak London Market Exchange ah Metric Ton 1=$20,000.00 kimin tuat leng $30,000 million or $30 billion bang man mawk hi. Zogambup mimal 500,000 in thallupsa in nek cih tak in ne leng zong kum tampi bek hilo in khang tampi ong vak zo hi. Tua pen nickel nam khat bek pan ngah ding sum hi a adang akibusakpih, anungzui ding siik, sumngo, aluminium, chromite etc. cihte kihel nailo, a Khenpi 1,2,3,5 te kihel nailo hilai zen hi. Tua ahihmanin Zogam in independence angah bang hileng puksi kha ni cihte pawl lahuai hetlo hi, lungmuan huai mahmah hi. Ki puksi hetlo ding banah Zogam adung avai in highway kiletsak zihziah zo, khuapi khempeuh ah Vanlengtual kikoih zo dinga, Asia gam bek hilo in World level ah zong gam hau pen khat I suak zo ding hi” Tun ka ngaihsutkik ciangin tualaia kana kikupkupte uh ana man mahmah gige hin kamu hi. Leitung sumbawlna anini in akikhel tungtawnin market price pen kiam thei khang thei hi. Nickel Price pen 2011 kum in sang pena tuakhit EU te sipuazi ong kiat tawh ong kiakhawm hi. Tunai Leitung Nickel Pricete hibangin ki mu thei hi: February 2011, the London Metal Exchange (LME) cash mean for 99.8%-pure nickel peaked at $28,249 per metric ton. London Market Exchange a 2012 kum ½ sung nickel man. Month Price Change Jun 2012 16,603.68 - Jul 2012 16,128.41 -2.86 % Aug 2012 15,703.99 -2.63 % Sep 2012 17,287.96 10.09 % Oct 2012 17,168.74 -0.69 % Nov 2012 16,335.36 -4.85 % Dec 2012 17,448.50 6.81 % Description: Nickel, melting grade, LME spot price, CIF European ports, US Dollars per Metric Ton. Pupa Leitang, Gullu Mual a om i Zogam Leisung sumpiangte i manphatna mipiten ahuampi in imuh theih pak nangin Zoheisa Unit te ngaihsutna le holimna kong suahsak ahihi. (Zokhup, Zokhai, Zosuan, Heavypiang, Daltawng, Minthang, Danny, Suanmang leh alawmte i calculation hi lel a, geologist or expert taktak kihi lo ahihmanin approximately bekin na ngaihsut sak un.)

 Zogam!!!
 Suan Mang. 

Phone ah VZO Kizang thei ta

VZO Android phone te ah zat theih dingin hong kibawl khia ta aa,na download/install khit ciangin vzo account neisa te in na account neihsa tawh lut/signin pah theih hi aa,vzo account na neih naikei leh bel signup na lut phot kul ding hi. Anuai aa hiah na mek in acih na pan download hiah na mek in
 in. Android Phong zanghte aa ding vzo googleplay pan download hiah na mek in Android phone googleplay a zanglo te in  Hiah na mek in